Bayern vazhdon në rrugën e fitoreve edhe në raundin e katërt të Bundesligës. Harry Kane shkëlqeu me një tregolësh (dy me penallti) në fitoren 4-1 jashtë fushe ndaj Hoffenheim. Goli i katërt për bavarezët u shënua nga Gnabry, ndërsa goli i vetëm për vendasit u shënua nga Coufal. Me këtë fitore bavarezët ngjiten në 12 pikë, dyfishi i pikëve që ka grumbulluar Hoffenheim deri më tani.

Freiburg shënoi një tregolësh, duke mposhtur Werder Bremen me rezultatin 3-0. Me këtë fitore, Freiburgu ngrihet në gjashtë pikë, ndërsa Werderi është parakaluar dhe ka mbetur në katër pikë.

Një fitore e çmendur 4-1 jashtë fushe për Mainzin, i cili gjeti fitoren e parë në këtë sezon jashtë fushe kundër Augsburgut, duke shënuar dy gola kur luante me dhjetë lojtarë.

Një fitore historike për Hamburgun, 2-1 përballë Heidenheim, e para e tyre që nga ngjitja në Bundesligë pas viteve të “purgatorit” në Zweite.