Vaksina e gripit në Korçë-Në qendrat shëndetësore shpërndahen 11 mijë doza

Sociale | 1 vit më parë

Një kontingjent prej 11 mijë doza të vaksinës së gripit ka mbërritur në Korçë duke u shpërndarë në 17 qendra shëndetësore të bashkive Korçë Maliq dhe Pustec.

Vaksina që do të përdoret këtë vit është GC Flu, një vaksinë katër valente e miratuar nga Organizata Botërore e Shëndetësisë, bën të ditur shefi i epidemiologjisë pranë Njësisë Vendore të Kujdesit Shëndetësor në Korçë, Alvi Naum.

Sipas shefit të epidemiologjisë në Korçë ky është kontingjenti i parë i vaksinës së gripit i cili do të pasohet sipas nevojës edhe nga të tjera vaksina të këtij lloji, me qëllim që çdo qytetar dhe kryesisht ata që përfshihen në grupet e riskut, kudo që ai ndodhet, edhe në fshatin më të largët, të ketë mundësinë të vaksinohet pranë mjekut të familjes ose qendrës shëndetësore më të afërt.

Gazetare: Kostanca Koçi

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.