SPAK zgjat hetimet për Arben Ahmetajn, shkak bëhet vonesa e letërporosive nga Zvicra

Aktualitet | 1 vit më parë

Vonesa e letërporosive nga Zvicra, si dhe ekspertimi i një aparati celular, janë bërë shkak që Prokuroria e Posaçme të shtyjë me 3 muaj, për të pestën herë, afatet hetimore për ish-zëvendëskryeministrin Arben Ahmetaj, në lidhje me dosjen e incineratorit të Elbasanit.

Afati i ri për përfundimin e hetimeve është vendosur më 23 dhjetor, kur pritet edhe përmbyllja e dosjes. Ahmetaj ndodhet në arrati prej më shumë se dy vitesh, ndërsa për të njëjtën çështje nën hetim janë edhe bashkëjetuesja e tij, Erjola Hoxha dhe ish-bashkëshortja, Albina Maçka, të akuzuara për “fshehje dhe mosdeklarim pasurie” si dhe “pastrim parash”.

Gazetare: Lusi Përgjegji

/rtsh.al/

arben ahmetaj

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.