Kategoria e Parë në RTSH, Besa dhe Lushnja kanë harruar të fitojnë

Kategoria e Parë | 1 vit më parë

Mbyllet në barazim 1-1 ndeshja Besa-Lushnja, që hapi javën e pestë të Kategorisë së Parë në RTSH. Në stadiumin e Luzit, dy skuadrat kërkuan me ngulm fitoren e parë sezonale, por nuk ia arritën dot qëllimit.

Gjithçka u vendos në pjesën e parë. Besa kaloi në avantazh me një gol shumë të bukur të Beqjas, por Lushnja barazoi shifrat me Cankën. Nuk munguan emocionet në pjesën e dytë, por asnjë nga skuadrat nuk arriti që të gjejë sërish rrugën e rrjetës.

Mbyllet në barazim 1-1 sfida, që u transmetua drejtpërdrejt në RTSH Sport. Lushnja merr barazimin e 5-të radhazi në kampionat, ndërsa Besa merr një pikë pas 2 humbjeve radhazi. Edhe kavajasit nuk e kanë provuar shijen e fitores këtë sezon, pasi kanë koleksionuar 3 barazime dhe 2 disfata në 5 javë kampionat.

Besa

Lushnja

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.