Egnatia “prish” festën e Flamurtarit

Abissnet Superiore | 1 vit më parë

Tifozë të shumtë mbushën stadiumin Flamurtari në Vlorë, në ndeshjen e parë me drita, por në fund të takimit festa ishte e Egnatias, që fitoi 2-1 kundër kuqezinjve. Në fund të një pjese të parë pa shumë raste, kampionët kaluan në epërsi falë penalltisë së ekzekutuar nga Albanese, në minutën e parë shtesë.

Vlonjatët kërkuan barazimin në të dytën dhe e arritën në minutën e 84-t, me një gol të bukur nga Todoroski, që kontrolli mirë topin dhe gjuajti saktë drejt portës.

Kuqezinjtë besuan se mund të merrnin edhe më tepër, por Leo Melo shënoi golin e fitores për Egnatian në minutën e 89-të.

Rrogozhinasit ngjiten në kuotën e 10 pikëve në klasifikim, vlonjatët mbeten në kuotën e 2 pikëve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.