Barcelona pëson humbjen e parë në këtë sezon, 4-1 në transfertë përballë Sevillas. Andaluzianët e nisën ndeshjen fuqishëm në 45 minutat e para, në minutën e 13-të, Alexis Sanchez nuk gaboi nga njëmbëdhjetë metra. Lojtarët e Flick nuk arritën të reagonin dhe andaluzitë dyfishuan epërsinë e tyre në minutën e 36-të: Vargas asistoi Romeron për ta bërë rezultatin 2-0. Drejt fundit të pjesës së parë, Blaugranët u rikthyen, Rashford shënoi një gol pas krijimit të Pedri-t.

Në pjesën e dytë, katalanasit dukeshin se kishin forcën për të barazuar, por humbën rastin e tyre më të mirë: në minutën e 76-të, një penallti e akorduar u humb nga Leëandoëski, gjuajti jashtë. Vendasit i rezistuan presionit dhe në minutën e 90-të, Carmona vulosi fitoren me një gol të tretë. Adams gjithashtu pati kohë në fund, duke shënuar të katërtin në minutën e 96-të për ta bërë rezultatin 4-1.

Me këtë fitore, Sevilla u ngjit në 13 pikë, ndërsa Barcelona u shemb plotësisht, duke mbetur në 19 pikë, dy pikë pas liderëve të ligës, Real Madrid.