Fushë-Arrëz, makina del nga rruga dhe përfundon në humnerë, humb jetën 51-vjeçari

Aktualitet | 1 vit më parë

Një aksident me pasojë një humbje jete është regjistruar mbrëmjen e djeshme (8 tetor) në aksin rrugor “Qafë Mali-Fierzë”.

Policia bën me dije se një 51-vjeçar ka humbur kontrollin e automjetit, duke dalë nga rruga e duke rënë në humnerë. Plagët e marra kanë rezultuar fatale për 51-vjeçarin.

Grupi hetimor po punon për zbardhjen e plotë të rrethanave dhe shkakut të aksidentit.

“Mbrëmjen e djeshme, në aksin rrugor “Qafë Mali–Fierzë”, shtetasi P. U., 51 vjeç, duke drejtuar automjetin e tij, dyshohet se ka humbur kontrollin mbi drejtimin e automjetit, i cili ka dalë nga rruga dhe ka rënë në një humnerë.

Menjëherë pas marrjes së njoftimit, në vendngjarje kanë shkuar shërbimet e Policisë, forcat zjarrfikëse dhe ambulanca, por shtetasi P. U. ka humbur jetën si pasojë e plagëve të marra”, thuhet në njoftim.

/rtsh.al/

aksident

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.