Kosova bën mrekullinë në Goteborg, mund Suedinë

Sport | 1 vit më parë

Përfaqësuesja e Kosovës ka bërë mrekullinë në Goteborg duke mundur Suedinë me rezultatin 1-0. Në “Ullevi Stadium” gjithçka u vendos nga një gol i Fisnik Asllanit i shënuar në minutën e 32-të.

Të besuarit e trajnerit Foda, pas golit të Asllanit, goditën edhe shtyllën me anë të Avdullahut. Më pas arritën të përballojnë me sukses presionin e suedezëve, me një lojë të mirë në fazën mbrojtëse.

Me këtë fitore, “Dardanët” kanë hedhur një hap shumë të rëndësishëm në Grupin B të kualifikueseve të Kupës së Botës 2026. 7 pikë dhe vendi i dytë në klasifikim, duke “blinduar” mundësinë për në fazën e play off.

Vendi i parë mbahet nga Zvicra me 10 pikë, ndjekur nga Kosova me 7 dhe Sllovenia me 3, ndërsa në vendin e fundit është Suedia me 1 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.