Të paktën 40 emigrantë, mes të cilëve edhe fëmijë, humbën një ditë më parë jetën pasi barka në të  cilën ndodheshin u fundos në ujërat pranë brigjeve të Tunizisë. Ky është edhe një nga tragjeditë  detare me bilancin më të madh të viktimave për këtë vit.

Mjeti u fundos pasi ishte nisur nga porti i Mahidas në qendër të Tunizisë me destinacion Evropën. Në  bord të  tij ishin rreth 70 emigrantë në bord, 30 prej të cilët u shpëtuan. Të gjithë ishin nga Afrika sub-Sahariane. 

Autoritetet tuniziane kanë nisur një hetim për të zbuluar shkaqet dhe rrethanat e incidentit. Tunizia po përballet me një presion në rritje për menaxhimin e emigrantëve që largohen nga konfliktet dhe varfëria në kërkim të një jete më të mirë në Europë.

Në  2023-in, ai vend nënshkroi një marrëveshje me BE-në për adresimin e migracionit të jashtë ligjshëm, e cila parashikoi dhënien e 118 milionë dollarë ve për ndalimin e trafikimit të qenieve njerëzore, përforcimin e masave në kufi dhe kthimin e emigrantëve.

Sipas Shifrave të  OKB-së, në 2023-in, më shumë se 210 mijë persona u përpoqën të shkonin në Europë përmes Mesdheut Qendror. Rreth 60 mijë prej tyre u kthyen mbrapsht në brigjet afrikane  dhe rreth 2 mijë humbën jetën në det.

Gazetare: Elda Pepa

/rtsh.al/