Solli veshje kontrabandë nga Greqia me vlerë 100 mijë euro, arrestohet shoferi i autobusit

Aktualitet | 1 vit më parë

Një shofer autobusi është arrestuar pasi gjatë kontrollit në pikën kufitare të Kapshticës i janë gjetur veshje kontrabandë të sjella nga Greqia.

Gjatë kontrollit në vijën e dytë, efektivët zbuluan se në autobus ndodheshin veshje të dyshuara të kontrabanduara nga Greqia, pasi nuk ishin të pajisura me fatura blerjeje.

Malli i sekuestruar kapte vlerën e rreth 100 mijë euro.

Në pranga përfundoi drejtuesi i autobusit 54-vjeçari N. Z., banues në fshatin Neviçisht të Korçës, i cili do të përballet me veprën penale “Kontrabanda me mallra të tjera”.

Materialet procedurale iu referuan Prokurorisë së Korçës, për veprime të mëtejshme.

/rtsh.al/

arrestime

kontrabande

korce

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.