Vodhi bizhuteri me vlerë rreth 300 mijë lekë në një banesë dhe i shiti në Shkodër, arrestohet i riu

Aktualitet | 1 vit më parë

Një i ri është arrestuar pasi akuzohet se ka vjedhur bizhuteri me vlerë të konsiderueshme në një banesë në Ishull Shëngjin dhe më pas i kishte shitur ato në një argjendari në Shkodër.

Gjatë operacionit të koduar “Aksesorët”, u arrestua Marjolin M., 24 vjeç, banues në këtë fshat.

Bizhuteritë e vjedhura kapnin vlerën rreth 300 000 lekë. Nga hetimet u zbulua se autori i kishte shitur bizhuteritë e vjedhura, në një argjendari në Shkodër.

Gjatë kontrollit në argjendarinë ku u gjetën bizhuteritë, u vu nën hetim edhe pronari i saj E. P., 41 vjeç, për veprën penale “Fshehja e të ardhurave”.

Materialet procedurale iu referuan Prokurorisë së Lezhës, për veprime të mëtejshme.

/rtsh.al/

arrestime

lezhe

vjedhje

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.