Premier League/ Sunderland mund Chelsea-n në “Stamford Bridge”, “Sky Sport” vlerëson Xhakën: Blerja më e mirë e sezonit!

Angli | 1 vit më parë

Për tu larguar nga Londra me pikët e plota për Sunderland ishte një sipërmarrje e vështirë, por jo e pamundur falë performancës së Granit Xhakës.

33-vjeçari ishte lojtari i ndeshjes përballë Chelsea-t jo vetëm se dominoi mesfushën, ku arriti që të anullonte dy lojtarë si Moses Caicedo dhe Enzo Fernandez, të cilët kanë kushtuar 220 milionë euro, por edhe për saktësinë në veprime (ishte lojtari që fitoi më shumë duele në fushë pa shkaktuar asnjë faull).

“Granit Xhaka është blerja më e goditur e sezonit”, komentoi ditën e djeshme paraqitjen e dardanit “Sky Sport”. Sipas gazetarëve të britanikes Xhaka duhet vlerësuar pasi ka arritur që brenda pak kohe të kthehet në lider madje të udhëheqë ekipin e Sunderland në vendet e para të klasifikimit edhe pse një vit më parë ishte pjesë e Championship (kategoria e dytë angleze).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.