Elbasani bën “poker”, Tirana fundoset

Abissnet Superiore | 1 vit më parë

Elbasani ka arritur një fitore 4-1 përballë Tiranës në “Air Albania”, në javën e 9-të të “Abissnet Superiore”, në një sfidë që erdhi për shikuesit në ekranin e RTSH2.

Në fillim të sfidës bardheblutë ishin më kërkues me lojën e tyre, por me kalimin e minutave Elbasani arriti të marrë frenat e lojës në dorë dhe në fundin e pjesës së parë shënoi dy gola me Tsague.

Në pjesën e dytë Tabekou me golin e shënuar u duk se zgjoi kryeqytetasit, por Elbasani u tregua mjaft efikas në kundërsulm duke shënuar dhe dy herë të tjera, me Ze Gomes dhe Diallo.

Një fitore me “poker” e skuadrës verdheblu që ngjitet në kuotën e 17 pikëve, një humbje e rëndë për Tiranën që ndodhet në vendin e parafundit në klasifikim me 6 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.