Mosformimi qeverisë, Osmani fton të premten në takim krerët e partive politike

Kosovë | 1 vit më parë

Presidentja e Kosovës, Vjosa Osmani do të presë të premten (31 tetor) në takim kryetarët e partive politike në vijim të përpjekjeve për formimin e qeverisë së re.

Kujtojmë që të dielën dështoi përpjekja e kreut të Lëvizjes Vetëvendosje Albin Kurtit për krijimin e ekzekutivit të ri.

Kuvendi i Kosovës nuk arriti të japë votëbesimin për kabinetin “Kurti 3”, i cili mori vetëm 56 vota pro, kundër 52 kundër dhe 4 abstenimeve.

Presidentja Osmani kishte paralajmëruar më parë se, në rast të dështimit të votimit, ajo do të kishte afat dhjetë ditë për të thirrur partitë politike në konsultime, me qëllim verifikimin nëse ndonjë subjekt politik mund të sigurojë shumicën e 61 votave të nevojshme për një Qeveri të re.

/rtsh.al/

vjosa osmani

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.