Klauzola në kontratën e Kane shqetëson Bayernin

Futboll Bota | 12 muaj më parë

Bayerni i Mynihut ka bërë një start të shkëlqyer këtë sezon, duke fituar 15 nga 15 ndeshjet e luajtura deri më tani. Ndër figurat kryesore pas këtij rekordi është Harry Kane: sulmuesi anglez, i cili ka shënuar tashmë 22 gola këtë sezon, duket se është në formë më të mirë se kurrë.

Kjo është arsyeja pse bavarezët po fillojnë të shqetësohen për klauzolën e lirimit në kontratën e ish-lojtarit të Tottenham, e cila hyn në fuqi verën e ardhshme: për 65 milionë euro, Kane mund të largohet nga Bayerni.

Kjo nuk është një shumë e madhe për një sulmues i cili, në moshën 32 vjeç, duket se po arrin kulmin e karrierës së tij. Megjithatë, sulmuesi anglez ka përsëritur vazhdimisht në javët e fundit se është i lumtur në Gjermani dhe nuk ka ndërmend të largohet, të paktën për momentin.

bayern

Harry Kane

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.