Kombëtarja U-21 vijon përgatitjet në Moldavi, zhvillon dy seanca stërvitore

Kombëtarja | 12 muaj më parë

Kombëtarja shqiptare U-21 ka vijuar përgatitjet në Moldavi, në kuadër të ndeshjes miqësore që do të luhet të enjten ndaj Moldavisë U-21. Ditën e sotme, kuqezinjtë kanë zhvilluar dy seanca stërvitore në qendrën stërvitore të Kombëtares moldave në Vadul lui Vodă, një paradite dhe një pasdite.

Në stërvitje mori pjesë i gjithë grupi, teksa me skuadrën është bashkuar edhe Elmedin Rama, i cili mbërriti në grumbullim mbrëmjen e kaluar.

Seancat e sotme u fokusua te aspekti fizik dhe përgatitja taktike për miqësoren ndaj Moldavisë. Atmosfera në grup është pozitive dhe ekipi po punon me intensitet për të arritur formën optimale për ndeshjen e së enjtes.

Kombëtarja U-21 do të zhvillojë nesër seancën e fundit stërvitore përpara testit miqësor me Moldavinë, që do të luhet të enjten në orën 12:00, në Vadul lui Vodă.

Kombëtarja U-21

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.