Italiani Marco Guida do të vendosë drejtësi në sfidën Shqipëri-Angli

Botërori 2026 | 12 muaj më parë

UEFA ka publikuar emrat e gjyqtarëve që do të vendosin drejtësi në sfidën Shqipëri-Angli, e vlefshme për kualifikueset e Kupës së Botës 2026, që do të luhet të dielën në orën 18:00 në stadiumin “Air Albania”.

Italiani Marco Guida do të jetë arbitri kryesor i ndeshjes, ndërsa Giorgio Peretti dhe Alessio Berti do të jenë asistentët e tij. Simone Sozza do të jetë gjyqtar i katërt, ndërsa Marco Di Bello gjyqtar i VAR-it.

Guida ka arbitruar finalen e Kupës së Shqipërisë, Kukësi-Laçi në sezonin 2015-2016. Është hera e parë që gjyqatri italian arbitron një ndeshje të Shqipërisë, por së fundmi ka gjykuar ndeshjen Kosovë-Slloveni (0-0) e vlefshme për kualifikueset e Kupës së Botës 2026.

Marco Guida

Shqipëri-Angli

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.