Ndërsa mbushen plot gjashtë vite nga tërmeti i 26 nëntorit 2019, 117 familje në Bashkinë e Kurbinit pritet që viti i ri t’i gjejë në banesat e tyre të reja. Punimet në dy pallate, që po ndërtohen si pjesë e procesit të rindërtimit, janë drejt përfundimit.

Sipas inxhinierit të zbatimit të projekteve, Vlash Gega, Bashkine Kurbin deri më tani janë ndërtuar rreth 1 mijë apartamente, por procesi i rindërtimit ende nuk ka përfunduar plotësisht.

“Nuk mund të themi se mbyllet e gjithë problematika e tërmetit apo dhe e problemeve që ka qyteti i Laçit, por duke qenë pjesë e projekte të Bashkisë hap pas hapi do të sistemohet, edhe duke pasur parasysh strehimin”, u shpreh inxhinieri, Vlash Gega.

Pas gati 6 vitesh pritje, banorët shprehen të kënaqur që më në fund do të hyjnë në shtëpitë e reja. Bashkia e Kurbinit ishte një nga zonat më të goditura nga tërmeti i 26 nëntorit 2019,  ku rreth 2 mijë familje mbetën pa strehë.

/rtsh.al/