12 orë para Kryeministrisë, Lapaj: Ju pres çdo ditë në protestë, Rama duhet ndalur

Aktualitet | 11 muaj më parë

Kreu i Lëvizjes “Shqipëria Bëhet” Adriatik Lapaj qëndroi 12 orë para ambienteve të Kryeministrisë në formë proteste kundër qeverisë Rama.

Përmes një komunikimi live në rrjetet sociale Lapaj i bënë thirrje qytetarëve t’i bashkohen kauzës së tij çdo ditë në orën 17:00.

“Kaloi nata e parë jam këtu te Kryeministria, protesta vazhdon. Çdo ditë në orën 17:00 do të mblidhemi këtu dhe uroj që të shtohemi sa më shumë. Duhet një shkëndijë për ta ndezur reagimin popullor”, tha Lapaj.

Lapaj gjatë komunikimit të tij u ndal edhe te reagimet e kryeministrit Edi Rama për pezullimin e Belinda Ballukut me vendim të GJKKO-së.

“Duhet reagimi qytetar për ta mbrojtur edhe GJKKO, nuk mund të presim vetëm nga SPAK”, tha ai.

Gazetare: Jonida Omeri

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.