Ndërkombëtarët ndjekin nga afër garën për kreun e ri të SPAK në KLP

Aktualitet | 11 muaj më parë

Përballë kandidatëve për drejtimin e Prokurorisë së Posaçme (SPAK), në sallën e Këshillit të Lartë të Prokurorisë (KLP) janë ulur edhe përfaqësuesit ndërkombëtarë, të cilët po monitorojnë nga afër procesin për zgjedhjen e pasuesit të Altin Dumanit.

Të pranishëm në seancë janë e ngarkuara me punë e SHBA në Tiranë, Nancy VanHorn, ambasadori i BE‑së Silvio Gonzato dhe ambasadori britanik Nicholas Abbott, duke i dhënë procesit një vëmendje të shtuar diplomatike.

Katër kandidatët, Adnan Xholi, Elvin Gogaj, Doloreza Musabelliu dhe Klodian Braho, po prezantojnë platformat e tyre përpara anëtarëve të KLP‑së. Votimi për drejtuesin e ri të Prokurorisë së Posaçme do të jetë i hapur dhe nominal, ndërsa fitues shpallet kandidati që siguron më shumë vota.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.