Direkt nga skena e Gazzetta Awards, Luka Modric foli për muajt e parë të jetës së tij të re në Milano: “Ndihem mirë, më pëlqen ajo që bëj. Ndihem mirë fizikisht dhe mendërisht, po argëtohem dhe gjithçka po shkon mirë. Shpresoj të vazhdoj kështu”.

I pyetur për aventurën e tij të re me Milanin, kroati u përgjigj: “Po bëj një punë të mirë me Milanin, një nga klubet e mia të preferuara. Si fëmijë, ëndërroja të luaja për këtë ekip të shkëlqyer. Futbolli italian është i ndryshëm nga futbolli spanjoll, por është një ligë shumë konkurruese. Ndoshta njerëzit jashtë vendit nuk e kuptojnë sa e vështirë është. Nuk më habiti sepse e kam parë gjithmonë”.

Në Milano, Modric gjeti Massimiliano Allegrin në stolin e kuqezinjve, për të cilin foli kështu: “Ai është një trajner i shkëlqyer, është një fitues. Më habiti me personalitetin e tij, më pëlqen të punoj me të për shkak të aftësisë së tij për të punuar me lojtarë të mëdhenj”.

Dhe në lidhje me ndeshjet play off të Kupës së Botës që përfshin Italinë, ai shtoi: “Do të ishte një tragjedi të humbisnit një Kupë të Botës të tretë radhazi, por shpresoj që Italia të kualifikohet, sepse të gjitha ekipet më të mira duhet të jenë atje”.