Fest 64- “Femcel Anthem”, Gala Dragot performancë unike në skenë: Kënga lindi nga një periudhë vetmie

Kulturë | 11 muaj më parë

Me një performancë autentike, Gala Dragot solli në skenën e Festivalit të 64 të Këngës këngën e saj të parë të pavarur, “Femcel Anthem”. E ftuar speciale në natën e dytë të festivalit, artistja u prit me entuziazëm nga publiku, duke sjellë një atmosferë melankolike dhe moderne njëkohësisht.

E konsideruar si një nga zërat më modern dhe më të veçantë të brezit të saj, Gala Dragot mahniti sallën me stilin e saj të veçantë artistik, duke sjellë një atmosferë të re dhe bashkëkohore në skenën e Fest 64.

Pas performancës, e pyetur mbi këngën, Gala u shpreh se ka lindur nga një periudhë kur ajo ndihej e vetmuar.

“Kënga ka lindur nga një periudhë vetmie. Isha kaq e vetmuar sa fillova të ëndërroj për një mashkull ideal që nuk ekziston”, u shpreh këngëtarja.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.