“Xixëllonjë”, një emocion 30 vjeçar në Festivalin e Këngës. Gili: Kjo këngë ka qenë aq e fortë sa më ndriti në gjithë rrugëtimin tim muzikor

Muzikë | 11 muaj më parë

Në Natën Nostalgjike të Festivalit të 64-t të Këngës, Kleansa dhe Gili rikthyen hitin e njohur “Xixëllonjë”, një këngë që për Gili-n ka shënuar fillimet e karrierës së saj muzikore.

Gili shprehu emocionet e saj që e këndonte këtë këngë në skenën e Festivalit të Këngës 30 vite pas.

“30 vite nga këndimi i saj, kjo këngë ka qenë aq e fortë sa më ndriti në gjithë rrugëtimin tim muzikor. Faleminderit përjetësisht publikut shqiptar. Në 1995, kur zbres në Tiranë, ky qytet më dukej më i bukuri në botë, dhe kështu mbetet edhe sot. Do të jetë gjithmonë në zemrën time”, tha Gili.

Kthimi i “Xixëllonjë” në skenën e Fest 64 rikujtoi për publikun emocionet e viteve të kaluara dhe solli një udhëtim muzikor nostalgjik, duke bashkuar breza të ndryshëm të dashamirësve të këngës shqiptare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.