Fundviti, Mirdita në festë, këndi i festave në Rrëshen po tërheq qytetarë dhe vizitorë

Uncategorized | 10 muaj më parë

Fundviti po pritet me një atmosferë të gëzueshme edhe në Mirditë. Prej fillimit të muajit dhjetor, qyteti i Rrëshenit është veshur me dekor festiv dhe po organizon veprimtari të shumta kulturore e artistike.

Sheshi “Abat Doçi”, ku është krijuar këndi i festave, pret çdo natë qytetarë dhe vizitorë të të gjitha grupmoshave, të cilët argëtohen deri në orët e vona të mbrëmjes.

Pavarësisht temperaturave të ulëta, qytetarët thonë se po kalojnë shumë mirë dhe vlerësojnë organizimet e bëra nga Bashkia Mirditë.

Organizime të tilla për festat e fundvitit janë kthyer në traditë të përvitshme nga Bashkia Mirditë, duke bërë bashkë qytetarë vendas, emigrantë dhe vizitorë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.