Shtetet e Bashkuara dhe Danimarka do të rinegociojnë një pakt mbrojtjeje të vitit 1951 për Groenlandën, tha të enjten për AFP një burim i njohur me bisedimet midis Presidentit Donald Trump dhe shefit të NATO-s Mark Rutte.

Burimi tha se aleatët evropianë do të rrisin gjithashtu sigurinë në Arktik, por këmbënguli se vendosja e bazave amerikane në Groenlandë nën sovranitetin e SHBA-së nuk ishte diskutuar.

Pakti i mbrojtjes i vitit 1951 mes Shteteve të Bashkuara dhe Danimarkës është marrëveshja që i dha bazë ligjore pranisë ushtarake amerikane në Groenlandë, veçanërisht në bazën ajrore të Thules, e cila ka qenë një element kyç në sistemin e mbrojtjes dhe vëzhgimit satelitor të Amerikës së Veriut gjatë Luftës së Ftohtë.

Ky pakt u nënshkrua në një kohë kur Arktiku shihej si zonë strategjike për balancimin e fuqive mes SHBA-së dhe Bashkimit Sovjetik, ndërsa sot ka marrë një rëndësi të re për shkak të pasurive natyrore dhe rrugëve të reja detare që hapen nga shkrirja e akullnajave.

/rtsh.al/