Shqip
English
Français
Deutsch
Ελληνικά
Italiano
Srpski
TürkçeDurrës – U merrnin qentë pronarëve për trajnim dhe nuk ua kthenim më, shpallet në kërkim çifti i bashkëshortëve
Një çift bashkëshortësh është shpallur në kërkim pasi akuzohet se mashtronin personat, duke u marrë qentë e tyre shtëpiakë për trajnim dhe më pas nuk ua kthenin më.
Sipas policisë mashtrimi zhvillohej në një qendër trajnimi për qen në Durrës, ku çifti i bashkëshortëve ishin administratorët e saj. Kanë qenë denoncimet e qytetarëve R. I. dhe M. D., të cilët pretendojnë se kanë humbur kontaktet me çiftin pasi u kanë besuar qentë e tyre për trajnim.
Në kërkim janë shpallur G. S., 40 vjeç, dhe R. S., 35 vjeçe, të cilët akuzohen se kanë mashtruar disa qytetarë duke marrë kafshët e tyre për trajnim, pa ua kthyer më pronarëve.
Ndaj dy bashkëshortëve rëndojnë akuzat për “Mashtrim” dhe “Shkelje të karantinës së bimëve dhe kafshëve”, ndërsa policia po vijon punën për kapjen e tyre dhe zbardhjen e plotë të ngjarjes.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
