Momenti i aksidentit të rëndë që pësoi Lindsey Vonn në garën e saj mëngjesin e sotëm është komentuar edhe nga ish-rivalja e skiatores amerikane.

“Të gjithë e dimë se çfarë pengesash ka kaluar Lindsey për të qenë këtu. Për mendimin tim ajo rrezikoi shumë kur vendosi që të merrte pjesë në këtë garë”, tha Tina Maze, e cila komenton Lojrat Olimpike Dimërore 2026 për “Eurosport”.

“Një aksident si ky ndodh kur nuk je në 100%, por pasojat mund të jenë edhe më të rënda. Ajo kërkonte që të ishte pjesë e kësaj gare me ç’do kusht. Më vjen shumë keq”, tha ish-skiatorja e njohur nga Sllovenia.

Me fjalët e 42-vjeçares nuk ishte dakord presidenti i FIS. “Vonn e njeh mjaft mirë trupin e saj dhe dëmtimet që kishte. Ajo nuk do të rrezikonte kurrë shëndetin e saj nëse nuk do të ishte e sigurt se mund të kishte sukses në këtë garë”, thaJohan Eliasch.