Përplasen tre makina në superstradën Lezhë-Milot, tre të plagosur. Vështirësohet lëvizja

Aktualitet | 9 muaj më parë

Një aksident i trefishtë ka ndodhur mesditën e sotme në superstradën Lezhë-Milot, pranë mbikalimit të Ishull-Lezhës. Tre automjete, mes të cilave edhe një furgon mallrash, janë përplasur me njëra-tjetrën e për pasojë tre persona kanë mbetur të plagosur.

Të lënduarit janë transportuar me urgjencë në spital për të marrë ndihmën e nevojshme mjekësore, ndërsa gjendja e tyre shëndetësore raportohet jashtë rrezikut për jetën.

Si pasojë e aksidentit, qarkullimi i mjeteve është rënduar ndjeshëm në të dyja kahet e superstradës, duke krijuar radhë të gjata automjetesh. Policia ndodhet në vendngjarje dhe po punon për zbardhjen e shkaqeve të aksidentit dhe normalizimin e trafikut.

aksident

lezhe

te plagosur

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.