Bëhet lojtari më i paguar i “topçinjve”, Saka rinovon kontratën me Arsenalin

Futboll Bota | 8 muaj më parë

Bukayo Saka e ka lidhur të ardhmen e tij me Arsenalin deri në vitin 2030. Kontrata e mëparshme e lojtarit do të skadonte në qershor të vitit 2027 dhe skuadrat e Premier League dhe ato evropiane e kishin monitoruar situatën e tij, por preferenca e tij ka qenë gjithmonë të qëndrojë tek Arsenali.

Bukayo Saka nënshkroi një kontratë të re katërvjeçare me Arsenalin, që e bën atë lojtarin më të paguar të “Topçinjve”.

Lojtari ndërkombëtar anglez është bërë një lojtar kyç për klubin e fëmijërisë së tij nën drejtimin e Mikel Artetas, duke luajtur më shumë minuta se çdo lojtar tjetër i Arsenalit që nga emërimi i trajnerit në vitin 2019.

Në total, ai ka bërë 296 paraqitje për “Topçinjtë”, duke shënuar 77 gola, përfshirë tetë në 34 ndeshje në të gjitha garat këtë sezon.

arsenal

Bukayo Saka

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.