Rriten prurjet, lumi Seman del nga shtrati, përmbyten toka bujqësore

Aktualitet | 8 muaj më parë

Reshjet e dendura të shiut kanë sjellë rritje të ndjeshme të nivelit të ujërave, duke bërë që lumi Seman të dalë nga shtrati. Si pasojë, ka prezencë uji në tokat bujqësore që ndodhen brenda argjinaturave në disa zona.

Situata paraqitet problematike në fshatrat Suk 1, Arapaj, Belinë, Kallm, Mbrostar dhe Petovë, ku sipërfaqe të konsiderueshme toke janë përmbytur.

Aktualisht, prurjet në lumin Seman janë në kuota të larta, por në tendencë uljeje. Ndërkohë, furnizimi me energji elektrike dhe ujë të pijshëm vijon normalisht.

Sa i përket lumenjve të tjerë, prurjet në Vjosë dhe Shkumbin janë në kuota mesatare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.