Kreu i Grupit Parlamentar të Partisë Socialiste, Taulant Balla, ka reaguar lidhur me aktet e dhunës të regjistruara gjatë protestës së Partisë Demokratike. Në një postim në rrjetet sociale, ai dënoi ashpër sjelljen e protestuesve, duke e cilësuar të papranueshme goditjen e simboleve kombëtare dhe institucioneve të vendit.

“Vetëm një i mbaruar politikisht, mendërisht dhe fizikisht si bufi i Shkupit mund të godasë flamurin kombëtar, flamurin e BE, policinë e shtetit dhe institucionet e vendit. Turpi nuk është i këtij matufi, por i atyre pak që kanë mbetur dhe i shkojnë mbrapa,” shkroi Balla.

Reagimi i tij vjen pas tensioneve të shënuara në protestën e PD-së, ku u hodhën molotovë dhe fishekzjarrë drejt godinës së Kryeministrisë dhe më pas përpara Parlamentit, duke sjellë ndërhyrjen e policisë me mjete speciale për shpërndarjen e turmës.

/rtsh.al/