Bllokimi pa afat i rrugës Librazhd–Prrenjas, pas disa orësh trafik, zhbllokohet qarkullimi në rrugën alternative

Aktualitet | 8 muaj më parë

Pas disa orësh bllokim dhe trafik kilometrik, situata në rrugën alternative Maliq–Lozhan–Moglicë–Gramsh–Elbasan është normalizuar. Qarkullimi vijon tashmë pa probleme të mëdha, megjithëse fluksi i automjeteve mbetet i lartë.

Shërbimet e Policisë Rrugore janë vendosur në pikat: Kryqëzimi Qafë Thanë, Kryqëzimi Qafë Plloçë dhe Kryqëzimi i Maliqit, ku po orientojnë drejtuesit e mjeteve.

Autoriteti Rrugor Shqiptar (ARRSH) ka njoftuar bllokimin pa afat të aksit Librazh-Prrenjas. Shkak janë bërë rrëshqitjet e dheut dhe një urë e cila rrezikon shembjen.

Qarkullimi për autoveturat mund të kryhet në akset Maliq – Lozhan – Strelc – Gramsh – Elbasan dhe Qafë Thanë – Pogradec – Korçë – Leskovik – Përmet – Tepelenë.

Për mjetet e tonazhit të rëndë: Pika doganore Qafë Thanë – Maqedoni – Pika doganore e Bllatës – Rruga e Arbërit

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.