Rrëshqitje në rrugën Vllahinë-Poçem/Vetëm dy vite pas përfundimit, aksi pëson çarje të asfaltit

Sociale | 8 muaj më parë

Aksi rrugor Vllahinë–Poçem, me gjatësi 15 kilometra, që lidh fshatrat e Mallakastrës me autostradën Levan–Tepelenë, po shfaq probleme serioze infrastrukturore vetëm dy vite pas përfundimit.

Në të gjithë gjatësinë e tij konstatohet çarje e theksuar e asfaltit dhe disnivel, duke e bërë lëvizjen e automjeteve të vështirë dhe të rrezikshme.

Situata më problematike paraqitet pranë fshatit Karbunar, ku një segment prej rreth 400 metrash është dëmtuar si pasojë e shkarjes së tokës.

“Kjo rrugë ka rreth një muaj kështu dhe ka rrëshqitur”, u shpreh një banor.

Punimet për ndërtimin e këtij aksi u realizuan nga bashkimi i kompanive Shkëlqimi 07 dhe Fusha ShPK, me një investim prej 4.7 milionë euro nga Fondi Shqiptar i Zhvillimit.

/rtsh.al/

mallakastra

rreshqitjet

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.