Punimet artistike në bri dhe kockë, ekspozohen objektet e realizuara në Ndërmarrjen Artistike të Korçës

Kulturë | 8 muaj më parë

Një koleksion i veçantë me punime artistike në bri dhe kockë është prezantuar për publikun korçar nga koleksionisti Mirgen Shamblli. Këto punime janë realizuar nga një repart i Ndërmarrjes Artistike në Korçë, të cilët nga brirët dhe kockat e bagëtive krijonin punime të ndryshme artistike që dikur kanë zbukuruar shtëpitë e çdo shqiptari.

“Ky koleksion ka vite që e mbledh dhe objektet janë të shumta, në modele dhe forma të ndryshme. Ka edhe modele të veçanta nga disa artistë që dolën nga ajo ndërmarrje dhe krijuan linjën e tyre”, tha koleksionisti Mirgen Shamblli.

Në ekspozitë janë prezantuar edhe veglat e punës me të cilat krijoheshin objektet si dhe skicat e modelet e kësaj ndërmarrje të cilat më pas aplikoheshin në prodhim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.