Izraeli godet Teheranin: shpërthime të fuqishme në kryeqytet

Botë | 7 muaj më parë

Shpërthime të fuqishme tronditën kryeqytetin iranian në orët e para të mëngjesit të së hënës, pasi ushtria izraelite njoftoi se kishte nisur një valë të gjerë sulmesh ajrore kundër infrastrukturës së ashtuquajtur “terroriste” të regjimit iranian.

Sipas agjencive lokale Mehr dhe Fars, sulmet goditën të paktën pesë zona të Teheranit, duke shkaktuar panik mes banorëve.

“Tinguj të tmerrshëm shpërthimesh janë raportuar,” shkruante Fars në kanalin e saj Telegram.

Një gazetar i AFP raportoi se më shumë se një orë pas shpërthimeve, një re e madhe tymi i zi vazhdonte të ngrihej mbi pjesën lindore të qytetit.

Në një postim zyrtar, ushtria izraelite deklaroi se “Ne kemi filluar një valë të gjerë sulmesh duke synuar infrastrukturën e regjimit terrorist iranian në Teheran.”

/rtsh.al/

izrael

SHBA-Iran

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.