Kina bën thirrje për dialog: Lindja e Mesme mund të zhytet në kaos

Botë | 7 muaj më parë

Kina paralajmëroi të hënën se sulmet e mëtejshme në Lindjen e Mesme rrezikojnë të krijojnë një “situatë të pakontrollueshme” në rajonin e shkatërruar nga lufta, pas kërcënimeve të Presidentit të SHBA-së, Donald Trump, për të “shkatërruar” termocentralet e Iranit.

Zëdhënësi i Ministrisë së Jashtme kineze, Lin Jian, në një konferencë për shtyp tha se përshkallëzimi i konfliktit mund të ketë pasoja të rënda për stabilitetin rajonal.

“Nëse lufta zgjerohet më tej dhe situata përkeqësohet përsëri, i gjithë rajoni mund të zhytet në një situatë të pakontrollueshme,” u shpreh ai, duke iu përgjigjur pyetjeve për deklaratat e Trump.

Kina ka bërë thirrje për vetëpërmbajtje dhe dialog, duke theksuar se tensionet e reja mes SHBA-së dhe Iranit mund të minojnë përpjekjet ndërkombëtare për paqe dhe siguri në Lindjen e Mesme.

/rtsh.al/

kine

SHBA

SHBA-Iran

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.