Në prag të sezonit turistik, aksion pastrimi në Pogradec, fokusi në akset kryesore dhe bregun e liqenit

Aktualitet | 7 muaj më parë

Në prag të sezonit turistik, Bashkia e Pogradecit ka ndërmarrë një aksion të gjerë pastrimi, me fokus në akset nacionale dhe përgjatë vijës liqenore.

Pjesë e këtij aksioni janë bërë ndërmarrjet në varësi të bashkisë, kompania e pastrimit si dhe nxënës të shkollave.

Ndërhyrja ka nisur që nga pika e kalimit kufitar në Qafë Thanë, si hyrja kryesore për turistët, për të vijuar përgjatë aksit nacional deri në qytet dhe në zonat bregliqenore.

Bashkëpunimi me qytetarët mbetet thelbësor për ruajtjen e një mjedisi të pastër dhe të qëndrueshëm.

Autoritetet vendore bëjnë me dije se aksionet e pastrimit do të vijojnë edhe në një fazë të dytë, me qëllim përgatitjen sa më të mirë të qytetit për fluksin e vizitorëve gjatë verës.

Gazetare: Elsa Xhindole

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.