Shqip
English
Français
Deutsch
Ελληνικά
Italiano
Srpski
TürkçeShoqata e Transporteve “me sytë” nga qeveria – Pritet rimbursimi i naftës, por edhe heqja e disa taksave për qarkullimin
Shoqata e Transportit është në pritje të një vendimi nga qeveria për subvencimin e tyre si rezultat i shtrenjtimit të naftës. Pas takimit me ministren e Ekonomisë Delina Ibrahimaj, Kristofon Foni, kreu i Shoqatës së Transportit Ndër qytetas, renditi katër pika nga kërkesat që u parashtruan në takim
“Na është premtuar riaktivizimi i VKM-së që është pakta anti krizë që u miratuat në vitin 2022 për shkak të luftës Ukrainë-Rusi, me mbledhjen e parë të qeverisë na u premtua se do të diskutohet dhe miratohet. Kemi kërkuar heqjen e taksës së qarkullimit, heqja e akcizës së karburantit dhe uljen e TVSh në shitje ose heqjen e saj ashtu siç e kane dhe vendet e rajonit”, u shpreh Kreu i Shoqatës së Transportit Ndër qytetas.
Foni theksoi se nëse miratohet, kjo skemë mund të ketë efekt prapaveprues.
“Mund të merren parasysh edhe litrat e karburantit të muajit mars”, tha ai.
Shoqata e transportit deklaron se në rast mos përmbushje te këtij premtimi, do të çojë në reduktim të autobusëve, deri në pezullimin e transportit urban, efekt që do të ndikonte drepërdrejtë në xhepat e qytetarëve.
Gazetare: E. Hasanbelli
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
