Arrestohet për armëmbajtje 21-vjeçari në Lushnjë, kontrolli në banesë i zbulon dhe municione. E pësojnë dhe 5 shokët që e shoqëronin

Aktualitet | 7 muaj më parë

Policia e Lushnjës ka arrestuar një 21-vjeçar, i cili ishte shpallur në kërkim për armëmbajtje pa leje. Në pranga ka përfunduar shtetasi me iniciale M. S., 21 vjeç, banues në Lushnjë.

I riu ishte shpallur në kërkim pasi më datë 21.03.2026, në ambientet e një lokali në lagjen “Xhevdet Nepravishta”, Lushnjë, ku qëndronte bashkë me 5 shtetas të tjerë, shërbimet e Policisë gjetën në xhupin e tij dhe sekuestruan një armë zjarri pistoletë. Në momentin e ndërhyrjes së Policisë, shtetasi M. S. nuk ndodhej në lokal. Gjatë kontrollit në banesën e tij, u gjet dhe municion luftarak.

Në vijim të veprimeve për rastin, më datë 21.03.2026, u arrestuan 5 shtetasit që qëndronin me shtetasin M. S., në lokal, për moskallëzim të krimit.

Materialet procedurale iu referuan Prokurorisë së Fierit, për veprime të mëtejshme.

armembajtje

lushnje

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.