Vera sjell më shumë vende pune, në Gjirokastër, 150 vende të lira, kryesisht në turizëm

Aktualitet | 7 muaj më parë

Në Agjencinë Rajonale të Punësimit dhe Aftësive në Gjirokastër, gjatë kësaj periudhe rezultojnë rreth 150 vende pune vakante, ku pjesa më e madhe i përket sektorit të turizmit. Kërkesa në rritje për staf në këtë sektor lidhet me afrimin e sezonit veror, ndërsa paralelisht janë realizuar edhe 90 punësime në sektorë të ndryshëm.

Nga ana tjetër, vihet re një rritje e interesit të të rinjve për punësim sezonal, sidomos me afrimin e përfundimit të vitit shkollor. Të rinjtë po orientohen gjithnjë e më shumë drejt mundësive të përkohshme të punës, kryesisht në shërbime dhe turizëm.

Sipas të dhënave pritet që gjatë javëve në vijim, numri i aplikimeve dhe punësimeve të rritet më tej, duke ndjekur ritmin e sezonit turistik dhe kërkesën në tregun e punës.

Gazetare: Enkeleda Domeri

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.