Nëse kjo është mënyra që ai zgjodhi për të bindur Ancelottin që ta përfshijë në Kupën e Botës, ndoshta Neymar duhet ta rimendojë strategjinë e tij. Sulmuesi brazilian, i cili ende shpreson të fitojë një thirrje për Kupën e Botës në Seleção, u përfshi në një debat të ashpër me tifozët e Santos pasi shënoi në barazimin 1-1 kundër Recoleta të Paraguajit në stadiumin Vila Belmiro, një ndeshje e raundit të 1/8 të Copa Sudamericana. Sipas raportimeve të mediave braziliane dhe videove të ndryshme në rrjetet sociale, një grup tifozësh të ulur në tribuna protestuan kundër lojtarit pas golit, madje duke kërkuar respekt për ekipin.

“Duhet të ishe stërvitur më shumë, je pak i shëndoshë”, u dëgjua të bërtiste një tifoz më adresë të Neymar, ndërsa ai në këtë pikë humbi durimin: “A duhet të bëj gjithçka? Hesht! A jam kapriçioz? Jap jetën time këtu! E respektoj, e respektoj shumë”, tha numri 10, duke treguar stemën e Santos në fanellën e tij.

“Nuk pranoj të sulmohem kështu. Jap jetën time për futbollin, për këtë klub, bëj edhe më shumë seç duhet, nuk mund të trajtohem kështu”. Më vonë, iu përgjigj kritikave, duke përsëritur vazhdimisht se tifozët kishin të drejtë, duke shtuar: “A jam i llastuar? Po jap jetën time për këtë, vëlla”.