Zjarri te pallati pranë QSUT, dyshohet se shkak është loja e disa të miturve

Aktualitet | 7 muaj më parë

Autoritetet policore dyshojnë se zjarri i rënë në pallatin pranë QSUT-së mund të jetë shkaktuar nga disa të mitur.

Ata janë fiksuar nga kamerat e sigurisë teksa luanin në oborrin e pallatit, pranë supermarketit, i cili kishte depozituar në zonë disa mbetje.

Dyshohet se të miturit kanë hedhur letra të djegura mbi këto mbetje, duke shkaktuar përhapjen e flakëve.

Grupi hetimor po punon për zbardhjen e plotë të rrethanave të ngjarjes, ndërsa vijon marrja në pyetje e personave të shoqëruar, si dhe e banorëve të zonës.

Pallati u përfshi nga flakët para dy ditësh ndërsa aksioni gjithëpërfshirës i zjarrfikësve, emergjencave civile, policisë, forcave Renea bëri të mundur që të mos kishte asnjë jetë të humbur. Si pasojë 11 persona mbetën të lënduar, kryesisht me djegie të lehta dhe asfiksi nga tymi, mes të cilëve 3 zjarrfikës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.