Volejboll vajza/ Pogradeci shkruan historinë, mposht Tiranën dhe shpallet kampion i Shqipërisë

Sport | 6 muaj më parë

Pogradeci shkruan historinë në volejboll për vajza, pasi për herë të parë në historinë e klubit shpallet kampion i Shqipërisë.

Nuk ka shumë histori finalja e 5-të e luajtur në Pallatin e Sportit “Arefi Berberi” dhe e transmetuar drejtpërdrejt në RTSH 2. Pogradeci dominon sfidën përballë Tiranës, fiton 3-0 ndeshjen dhe çon në 3-2 serinë e finaleve, duke u shpallur kështu skuadra kampione e Shqipërisë.

Liqenoret fituan setin e parë 25-16, setin e dytë 25-20 dhe setin e tretë 25-17, duke mposhtur për herë të parë Tiranën në Pogradec në këtë seri finalesh (kishin humbur dy sfida në shtëpi dhe kishin fituar 2 ndeshje në transfertë).

Pogradeci bën “tripletën” këtë sezon duke fituar kampionatin, Kupën e Shqipërisë dhe Ligën “Gjergj Kastrioti” në volejboll për vajza.

Pogradeci

Tirana

Volejboll vajza

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.