Tërmet i fortë në Kinë, humbin jetën dy persona, një tjetër i zhdukur

Botë | 6 muaj më parë

Një tërmet me magnitudë 5.2 ballë të shkallës Rihter goditi mëngjesin e sotëm (18 maj) qytetin Liuzhou, në rajonin autonom Guangxi Zhuang në jug të Kinës, duke shkaktuar viktima dhe dëme në zonë.

Sipas autoriteteve lokale të emergjencave, dy persona janë konfirmuar të vdekur, ndërsa një tjetër rezulton ende i zhdukur pas lëkundjeve sizmike që goditën distriktin Liunan.

Viktimat janë identifikuar si një çift bashkëshortësh, të moshës 63 dhe 53 vjeç.

Ekipet e kërkim-shpëtimit vijojnë operacionet në terren për gjetjen e personit të zhdukur, ndërsa autoritetet po monitorojnë situatën dhe po vlerësojnë dëmet e shkaktuara nga tërmeti.

Deri më tani nuk ka raportime për lëkundje të tjera të forta pas tërmetit kryesor.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.