Shembet një pjesë e fasadës së një pallati në Durrës, dëmtohet një automjet

Aktualitet | 6 muaj më parë

Një incident është regjistruar pasditen e së hënës në lagjen nr. 4 të Durrësit, pranë Stacionit të Trenit, ku një pjesë e fasadës së një pallati të vjetër është shembur dhe ka rënë në rrugë. Si pasojë e rënies së suvasë është dëmtuar një automjet i parkuar pranë godinës.

Fatmirësisht, nga ngjarja nuk ka persona të lënduar. Pas incidentit, automjeti është larguar nga vendi i ngjarjes, ndërsa në zonë kanë ndërhyrë forcat zjarrfikëse dhe shërbimet e policisë, të cilat kanë vendosur perimetër sigurie për të shmangur rrezikun për kalimtarët dhe mjetet që qarkullojnë.

Sipas burimeve paraprake, pritet që strukturat përgjegjëse të kryejnë kontrolle dhe verifikime për gjendjen e pallatit, me qëllim vlerësimin e sigurisë së fasadës dhe parandalimin e ngjarjeve të ngjashme në të ardhmen.

durres

pallati

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.