Zjarri në tregun e fruta-perimeve në Lushnjë, kryebashkiakja Sefa takohet me tregtarët: 10 prej tyre kanë pësuar dëme, do i dëmshpërblejmë

Aktualitet | 6 muaj më parë

Kryetarja e Bashkisë së Lushnjës, Eriselda Sefa, është takuar me tregtarët e prekur nga zjarri që përfshiu tregun e fruta-perimeve në lagjen “Xhevdet Nepravishta”, për të parë nga afër dëmet dhe për të diskutuar masat që do të merren në ndihmë të tyre.

Pas takimit, kryebashkiakja deklaroi se rreth 10 tregtarë kanë pësuar dëmet më të mëdha nga flakët, ndërsa bashkia do të shqyrtojë mundësinë e dëmshpërblimit përmes Këshillit Bashkiak.

Ndërkohë, deri në pastrimin dhe sistemimin e plotë të zonës së dëmtuar, tregtarët do të vijojnë aktivitetin e tyre jashtë tregut, në hapësirat bosh pranë trotuareve.

Bashkia pritet të vlerësojë dëmet materiale dhe të vendosë mbi format konkrete të ndihmës për personat e prekur nga kjo ngjarje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.