Grabitje në një bankë të nivelit të dytë në Tiranë, autori i maskuar, i merr rreth 15 mijë paund një klienti që po i depozitonte

Aktualitet | 5 muaj më parë

Një grabitje është regjistruar këtë të martë (2 qershor), në një bankë të nivelit të dytë në Tiranë në rrugën “Gjin Bue Shpata”. Ngjarja ndodhi rreth orës 12:26, kur një person i maskuar hyri në ambientet e bankës dhe dyshohet se ka marrë një shumë prej 10-15 mijë paund nga një klient që ishte duke depozituar paratë.

Autori dyshohet se është larguar nga vendi i ngjarjes me një skuter elektrik. Menjëherë pas ngjarjes, janë ngritur pika kontrolli dhe janë mobilizuar të gjitha shërbimet policore për identifikimin dhe kapjen e tij.

Grupi hetimor po punon për dokumentimin e plotë të rastit dhe identifikimin e autorit, ndërsa autoritetet bëjnë apel për qytetarët që të raportojnë çdo informacion të dobishëm.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.