Arrestohet në Himarë 37-vjeçari i dyshuar për vjedhje në banesa, dyqane dhe objekte kulti

Aktualitet | 5 muaj më parë

Policia e Himarës ka finalizuar operacionin e koduar “Shëtitësi”, duke zbardhur një sërë vjedhjesh të ndodhura gjatë periudhës janar–qershor 2026 në zonat Dhërmi, Qeparo, Kuç dhe Himarë.

Në pranga ka rënë shtetasit A. A. 37-vjeç nga Fushë Kruja, i cili dyshohet se ka vjedhur në banesa, dyqane, markete dhe objekte kulti, duke marrë shuma parash dhe sende me vlerë.

Sipas Policisë së Shtetit, identifikimi dhe kapja e tij u bë pas një hetimi intensiv, grumbullimit të provave dhe analizimit të pamjeve filmike, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë.

Hetimet vijojnë për dokumentimin e plotë të disa rasteve të tjera të dyshuara si të kryera nga i njëjti shtetas, ndërsa materialet i janë referuar prokurorisë për veprime të mëtejshme.

/rtsh.al/

arrestim

himara

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.