Botërori 2027 për vajza/ Kombëtarja mbyll përgatitjet në Shkodër, gati për sfidën ndaj Malit të Zi

Kombëtarja | 5 muaj më parë

Kombëtarja e vajzave mbylli përgatitjet për ndeshjen e fundit të kualifikueseve të Kupës së Botës “Brazil 2027” ndaj Malit të Zi, që do të luhet nesër, në orën 19:00, në stadiumin “Loro Boriçi” në Shkodër.

Skuadra zhvilloi pasditen e sotme seancën e fundit stërvitore në stadiumin ku do të luhet takimi. Seanca, që zgjati rreth një orë, u fokusua te vendosja taktike në fushë dhe ushtrime me ngarkesë të lehtë, në prag të sfidës së nesërme.

Departamenti i Komunikimit në FSHF bën me dije se grupi gëzon gjendje të mirë fizike, me përjashtim të portieres Antigoni Hyska, e cila vijon të ndiejë shqetësime në gju dhe vijon të jetë nën monitorimin e stafit mjekësor.

Takimi Shqipëri–Mali i Zi do të zhvillohet nesër në stadiumin “Loro Boriçi” dhe do të transmetohet drejtpërdrejt në FSHF TV. Hyrja për tifozët do të jetë falas.

Botërori 2027 për vajza

Kombëtarja

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.