Në kërkim ndërkombëtar prej vitesh, arrestohet në Itali 42-vjeçari shqiptar i dënuar me 15 vjet burg për trafikim qeniesh njerëzore

Aktualitet | 5 muaj më parë

Një 42-vjeçar i shpallur në kërkim ndërkombëtar është arrestuar në Itali me qëllim ekstradimin drejt Shqipërisë. Operacioni u realizua në kuadër të aksionit të koduar “The Wanted”, falë bashkëpunimit dhe koordinimit të informacioneve mes specialistëve të Interpol Tiranës dhe Interpol Romës.

Në pranga ka rënë S. S, i cili ishte në kërkim pasi Gjykata e Apelit Tiranë e kishte dënuar në vitin 2017 me 15 vjet burgim për veprën penale “Trafikimi i qenieve njerëzore”.

Sipas autoriteteve, nga dënimi i dhënë, 42-vjeçarit i kanë mbetur për të vuajtur edhe 13 vjet, 10 muaj dhe 19 ditë burgim.

Autoritetet shqiptare dhe italiane vijojnë bashkëpunimin për përfundimin e procedurave të ekstradimit të tij drejt Shqipërisë, ku do të vuajë pjesën e mbetur të dënimit.

/rtsh.al/

policia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.